ការព្យាបាលដោយប្រើអគ្គីសនី គឺជាទម្រង់នៃការព្យាបាលរាងកាយដែលប្រើចរន្តអគ្គិសនីដើម្បីជួយជំរុញសាច់ដុំ និងសរសៃប្រសាទ។ វាត្រូវបានគេប្រើដើម្បីព្យាបាលជំងឺផ្សេងៗរួមមាន៖
• ការឈឺចាប់
• ភាពខ្សោយនៃសាច់ដុំ
• ការថយចុះការបត់បែននៃចលនា
• ភាពខូចខាតនៃសរសៃប្រសាទ
• ស្លាកស្នាមជាលិកា
ការព្យាបាលដោយប្រើអគ្គិសនី គឺការធ្វើការដោយការបញ្ជូនចរន្តអគ្គិសនីតាមរយៈស្បែកទៅកាន់សាច់ដុំ និងសរសៃប្រសាទ។ ចរន្តទាំងអស់នេះ អាចធ្វើអោយសាច់ដុំកន្ត្រាក់ ដែលអាចនាំអោយជួយកាត់បន្ថយការឈឺចាប់ និង ធ្វើអោយការបត់បែននៃចលនាមានភាពប្រសើរឡើង។ ចរន្តទាំងនេះ ក៏អាចជួយរំញោចសរសៃប្រសាទ ដែលនាំមកនៅការកាត់បន្ថយភាពឈឺចាប់ និងធ្វើអោយទទួលអារម្មណ៍ដឹងប្រសើរឡើង។ ការព្យាបាលដោយប្រើអគ្គិសនីមានច្រើនប្រភេទ ដែលប្រភេទនីមួយៗមានអត្ថប្រយោជន៍រៀងៗខ្លួន។ ប្រភេទទូទៅបំផុតមួយចំនួននោះរួមមាន:
• ការបញ្ជូនចូលនៃចរន្តអគ្គីសនីដើម្បីជំរុញសសៃប្រសាទ (TENS) ៖ ការព្យាបាលដោយប្រើអគ្គិសនីមួយប្រភេទនេះ គឺជាការប្រើចរន្តអគ្គិសនីតង់ស្យុងទាប ដើម្បីជំរុញសរសៃប្រសាទ និងកាត់បន្ថយការឈឺចាប់។
• ការព្យាបាលដោយការជ្រៀតចូលនៃចរន្ត (IFC)៖ ការព្យាបាលដោយប្រើអគ្គិសនីមួយប្រភេទនេះ គឺជាការប្រើចរន្តអគ្គិសនីពីរ ឬច្រើនដើម្បីបង្កើតចរន្តទីបី ដើម្បីប្រើប្រាស់ក្នុងការកាត់បន្ថយភាពរលាក និងជួយជំរុញសាច់ដុំ និងសរសៃប្រសាទផងដែរ។
• ការរំញោចសាច់ដុំដោយប្រើប្រាស់ចរន្តអគ្គិសនី (EMS)៖ ការព្យាបាលដោយប្រើអគ្គិសនីមួយប្រភេទនេះ គឺជាការប្រើចរន្តអគ្គិសនីដើម្បីកន្ត្រាក់សាច់ដុំ។ ការប្រើប្រាស់បែបនេះត្រូវបានប្រើឡើងដើម្បីពង្រឹងសាច់ដុំ ឬដើម្បីការពារប្រឆាំងការស្វិតទ្រោមនៃសាច់ដុំ។
• ការព្យាបាលដោយប្រើមីក្រូចរន្ត៖ ការព្យាបាលដោយប្រើចរន្តអគ្គិសនីមួយប្រភេទនេះ គឺជាការប្រើចរន្តអគ្គិសនីដែលក្នុងកំរិតតង់ស្យុងទាបខ្លាំង ដើម្បីជំរុញស្បែក និងជាលិកាដែលនៅខាងក្រោម។ ការធ្វើបែបនេះត្រូវបានគេគិតថាមានអត្ថប្រយោជន៍ជាច្រើនរួមទាំងការបំបាត់ការឈឺចាប់ ការសះមុខរបួស និងការធ្វើឱ្យស្បែកមានភាពរស់ឡើងវិញ។
អត្ថប្រយោជន៍នៃការព្យាបាលដោយអគ្គីសនីរួមមាន:
• បំបាត់ការឈឺចាប់
• ពង្រឹងសាច់ដុំ
• បង្កើនការបត់បែននៃចលនា
• កាត់បន្ថយការរលាក
• ពង្រឹងមុខងារសរសៃប្រសាទ
• ពង្រឹងភាពសះនៃមុខរបួស
• កាត់បន្ថយស្លាកស្នាមជាលិកា
• បង្កើនចរន្តឈាម
ការព្យាបាលដោយប្រើប្រាស់អគ្គិសនីអាចប្រើតែឯកឯង ឬ រួមជាមួយនឹងការព្យាបាលដ៏ទៃផ្សេងទៀតដែលមាននៅក្នុងគ្លីនិក ICC